जान्हवी कपूर र इशान खट्टरलाई दादासाहेब फाल्के अवार्ड

वैशाख ८, २०७६ आइतबार १८:४५:४ | उज्यालो सहकर्मी

जान्हवी कपूर र इशान खट्टरले आफ्नो डेब्यू फिल्म ‘धडक’ बाट दादासाहेब फाल्के अवार्ड अवार्ड जितेका छन् ।

भारतीय सिनेमा अवार्डहरुमा दादासाहेब फाल्के अवार्डलाई एक महत्वपूर्ण अवार्ड रुपमा हेरिन्छ । हालै भारतको मुम्बईमा दादासाहेब फाल्के अवार्ड २०१९ आयोजना गरियो । जहाँ बलिउडका कयौं स्टार कलाकारहरु सहभागी भएका थिए ।

गएकाे वर्ष अभिनेत्री जान्हवी कपूरले इशान खट्टरका साथ निर्देशक शशांक खेतानको फिल्म ‘धडक’ बाट बलिउड डेब्यू गरेकी थिइन् । मराठी फिल्म ‘सैरात’ काे हिन्दी रिमेक ‘धडक’ मा इशान र जान्हवीले गरेको अभिनयको निकै तारिफ भएको थियो । दादासाहेब फाल्के अवार्डसमा जान्हवी र इशानलाई यसै फिल्मबाट डेब्यूको लागि अवार्ड दिइएको हो ।

यस अवार्ड कार्यक्रममा जान्हवी कपूर मनीष मल्होत्राको पिंक साडीमा सजिएकी थिइन् भने इशान खट्टर सेतो कुर्तामा ठाँटिएका थिए । दुवैले मिडियासामु केही तस्बिबरहरु पनि खिचाएका थिए । अवार्ड शोमा जान्हवी र इशानबीचको केमिष्ट्रि पनि मिलेको देखिन्थ्यो ।

फिल्म ‘धडक’ रिलिज भएसँगै जान्हवी र इशानले एकअर्कालाई डेट गरिरहेको खबरहरु पनि सार्वजनिक भएका थिए ।

तर करण जोहरको चर्चित शो ‘कफि विद् करण’ मा इशान र जान्हवीसँग उनीहरुको प्रेम सम्बन्धलाई लिएर प्रश्न गर्दा आफूहरु असल साथी मात्रै रहेको भन्दै अस्विकार गरिदिएका थिए ।

यि दुवैले प्रेममा रहेको खबरलाई अस्वीकार गरे पनि दर्शकले जान्हवी र इशानको अनस्क्रिन जोडीलाई भने निकै मन पराएका थिए ।

अभिनेत्री जान्हवी कपूर छिट्टै पहिलो भारतीय महिला लडाकु पाइलट गुञ्जन सक्सेनाकाे बायोपिक ‘कारगिल गर्ल’ मार्फत दर्शक माझ आउँदैछिन् । यस फिल्मपछि जान्हवीले करण जोहरको मल्टिस्टारर फिल्म ‘तख्त’ मा पनि काम गर्नेछिन् भने अभिनेता राजकुमार रावका साथ फिल्म ‘रुह–अफजा’ मा पनि जान्हवी मुख्य अभिनेत्री रहनेछिन् ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्