ताप्लेजुङ – नेकपा एमालेका सचिव योगेशकुमार भट्टरार्ईको गृह गाउँपालिका मैवाखोलामा नेकपा माओवादी केन्द्र विजयी भएको छ ।   

नेपालमा प्रजातन्त्र स्थापना भएपछि यस गाउँपालिकाका तत्कालीन फाकुम्बा गाउँ विकास समिति, साँघु गाउँ विकास समिति र मनन भण्डारीको जन्म थलो समेत रहेको ढुङ्गेसाँघु गाउँ विकास समितिमा ३० वर्षसम्म एमालेले जित्दै आएको थियो । 

मैवाखोला गाउँपालिकाको अध्यक्षमा गठबन्धनका तर्फबाट माओवादीका विजयप्रकाश वनेम (लिम्बु) विजयी हुनुभएको छ । वनेमले २ हजार ४ सय ५७ मत ल्याउनुभयो । उहाँका प्रतिस्पर्धी नेकपा एमालेका राजन थत्लुङले १ हजार ९ सय ३० मत प्राप्त गर्नुभयो । 

उपाध्यक्ष्मा गठबन्धनका तर्फबाट नेपाली कांग्रेसकी कमलकुमारी वनेम २ हजार ३ सय ९५ मत ल्याएर विजयी हुनुभयो । उहाँका प्रतिस्पर्धी एमालेकी १ हजार ९सय ७५ मत प्राप्त गर्नुभयो । 
राजन र कैशिला गएको कार्यकालमा मैवाखोलाको अध्यक्ष तथा उपाध्यक्षमा विजयी हुनु भएकाे थियाे ।