स्याङ्जा – पुतलीबजार नगरपालिकाको मेयरमा कांग्रेसका तुलसीराम रेग्मी विजयी हुनुभएको छ । एमालेकी सीमा क्षेत्रीलाई दुई हजार चार सय चार मतान्तरले हराउँदै रेग्मी मेयरमा निर्वाचित हुनुभएको हो । रेग्मीले १२ हजार चार सय ९४ मत ल्याउँदा उहाँका प्रतिस्पर्धी क्षेत्रीले १० हजार ९० मत प्राप्त गर्नुभयो । 

उपमेयरमा पनि कांग्रेसकै देवी अर्याल निर्वाचित हुनुभयो । उहाँले एमालेका महेश पुरीलाई नौ सय ४७ मतले पछाडि पार्नुभएको हो । अर्यालले ११ हजार सात सय ४८ मत ल्याउँदा पुरीले १० हजार सात सय ६१ मत प्राप्त गर्नुभयो । 

नगरपालिकामा कांग्रेसलाई माओवादी केन्द्रले साथ दिएको थियो । अघिल्लो चुनावमा मेयर र उपमेयरमा एमाले विजयी भएको थियो ।

पुतलीबजारमा १४ वडा रहेकोमा कांग्रेसले नौ र एमालेले पाँच वटा वडामा अध्यक्ष जितेको छ ।