कैलाली - कैलालीको टीकापुर नगरपालिकाको मेयरमा नागरिक उन्मुक्ति पार्टी विजयी भएको छ । नगरकाे मेयरमा रामलाल डगौरा थारु विजयी हुनुभएको हो ।  

थारुले तीन दलीय गठबन्धनबाट नगरकाे मेयरमा उम्मेदवार बन्नुभएका नेपाली कांग्रेसका नवराज रावललाई हराउनु भएकाे हाे । उहाँले ९ हजार ६ सय ४२ मत ल्याउनु भएकाे छ ।  उहाँका निकटतम प्रतिद्वन्द्वी कांग्रेसका नवराज रावलले ६ हजार ६ सय ४२ मत ल्याउनुभएको छ । 

त्यस्तै उपमेयरमा नागरिक उन्मुक्तिकी उल्कादेवी विकलाई हराउँदै गठबन्धनबाट उपमेयरका उम्मेदवार खडक शाह विजयी हुनुभएको छ । शाहले ७ हजार ९ सय ५५ मत ल्याउनुभएको छ । उहाँका निकटतम प्रतिद्वन्द्वी विकले ७ हजार ८ सय २ मत ल्याउनुभएको छ । 

टीकापुरमा तीन वडामा माओवादी केन्द्र, तीनमा कांग्रेस, दुईमा नागरिक उन्मुक्ति पार्टी र एउटामा एमाले विजयी भएको छ ।