धनुषा – नेपालका प्रमुख महन्थ मानिएका महोत्तरीको मटिहानीमा रहेको लक्ष्मीनारायण मठका महामहन्त जगन्नाथ दासलाई प्रहरीले पक्राउ गरेको छ ।

रुपन्देहीका सहायक प्रमुख जिल्ला अधिकारी (सहायक सीडीओ) को हस्ताक्षर किर्ते गरि बैंकबाट ७० लाख रुपैयाँ निकालेको आरोपमा दासलाई पक्राउ गरिएको महोत्तरीका प्रहरी प्रमुख एवम् प्रहरी उपरीक्षक कृष्ण पंगेनीले जानकारी दिनुभयो ।

महन्त दासकाे नाममा रुपन्देहीकाे मेगा बैंकको खातामा रहेको ७० लाख रुपैयाँ मौज्दात भएको खाता सरकारले रोक्का राखेको अवस्थामा त्यहाँका सहायक सीडीओकाे हस्ताक्षर किर्ते गरि खाताबाट त्याे रकम झिकेको आरोपमा महन्तलाई पक्राउ गरिएको हो ।

प्रहरीले बिहान मठमै पुगेर महामहन्त दासलाई पक्राउ गरि अनुसन्धानका लागि रुपन्देही पठाएको प्रहरी उपरीक्षक पंगेनीले बताउनुभयो ।