सुदूरपश्चिम प्रदेशसभाको आजको बैठक स्थगित
बैशाख २२, २०८१ शनिबार
काठमाण्डाै – मच्छिन्द्र एफसीलाई हराउँदै चर्च ब्वाइज युनाइटेड क्लब आहा रारा पोखरा गोल्ड कपकाे सेमिफाइनलमा पुगेकाे छ ।
शहीद स्मारक 'ए' डिभिजन लिगको साविक विजेता मच्छिन्द्रलाई तीन–एक गाेलले हराउँदै 'ए' डिभिजन लिगकाे नवप्रवेशी टिम चर्च ब्वाइज सेमिफाइनलमा पुगेकाे हाे ।
पहिलो हाफमै दुई गोलले पछि परेको मच्छिन्द्रले दोस्रो हाफमा भने केही सुधारिएको खेल प्रदर्शन गर्याे । चर्च ब्वाइजले खेलकाे २३ औँ मिनेटमा गाेल गर्याे । अञ्जन विष्टले मच्छिन्द्रका गोलकिपर विशाल श्रेष्ठमात्रै भएको अवस्थामा गरेको हेडरलाई किपरले बचाएका थिए । तर क्लियर हुन नसकेको बललाई आशिष चापागाँईले गोलमा परिणत गरे ।
चर्च ब्वाइजले पहिलो हाफको अतिरिक्त समयमा अर्को गोल गर्दै पहिलो हाफमा दुई–शून्यकाे अग्रता बनायो । आशिष चापागाँईले मच्छिन्द्रका तीन जना डिफेन्डरकाे बीचबाट प्रहार गरेको बल गाेलमा परिणत भयाे ।
चर्च ब्वाइजले खेलकाे ६७ औँ मिनेटमा अर्को गोल थप्यो । आशिष चापागाँईको पासलाई सदुपयोग गर्दै आशिष चौधरीले गोल गरे । खेलको ८९ औँ मिनेटमा मच्छिन्द्रका सौरभ सुब्बाले सान्त्वना गोल गरे । त्यसपछि थप गाेल हुन नसकेपछि चर्च ब्वाइज तीन-एकले विजयी भयो । खेलमा चर्च ब्वाइजका आशिष चापागाँई म्यान अफ दि म्याच भए ।
भाेलि सोमवार तेस्रो क्वाटरफाइनल खेलमा सङ्कटा क्लब र त्रिभुवन आर्मी क्लबबीच प्रतिस्पर्धा हुनेछ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
कास्कीमा रहेर पत्रकारिता गर्ने सागर उज्यालाेका जिल्ला सहकर्मी हुनुहुन्छ ।