सल्यानमा भएको जीप दुर्घटनामा ज्यान गुमाएका दुई जनाकाे परिचय खुल्याे

असोज ८, २०८० सोमबार ११:४७:४७ | हेमराज शर्मा

दाङ - सल्यानमा भएको जीप दुर्घटनामा परि ज्यान गुमाएका दुई जनाको परिचय खुलेको छ ।

दाङको तुलसीपुर-१८ का अन्दाजी २५ वर्षीय भक्तबहादुर घर्ती र त्यहीँ ठाउँका अन्दाजी ५० वर्षीय गणेश बुढाको ज्यान गएको प्रहरीले जनाएको छ।

बिहान सवा बजेतिर रा १ च १०२५ नम्बरको जीप सल्यानको कपुरकोट गाउँपालिका-३ चोरखोला नजिकै अनियन्त्रित भएर पल्टिएको थियो ।

दुर्घटनामा परि दाङको तुलसीपुर-२ का ३५ वर्षीय नारायण योगी घाइते भएका र उहाँकाे राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।

अन्तिम अपडेट: असोज ११, २०८०

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।