काठमाण्डौ – कोरोना सङ्क्रमितमध्ये पछिल्लो पटक एक सय दुई जना उपचारपछि निको भएर डिस्चार्ज भएका छन् । 

आइतबार एक सय जना पुरुष र २ जना महिला डिस्चार्ज भएकाे स्वास्थ्य तथा जनसङ्ख्या मन्त्रालयले जनाएको छ । योसँगै डिस्चार्ज हुनेको सङ्ख्या चार सय ६७ पुगेको छ । अहिलेसम्म तीन सय ९९ जना पुरुष र ६८ जना महिला उपचारपछि निको भएका छन् । 

स्वास्थ्य मन्त्रालयको तथ्याङ्क अनुसार प्रदेश एकमा ९१ जना,  प्रदेश २ मा एक सय ८६ जना, वाग्मती  प्रदेशमा ३२ जना, गण्डकी प्रदेशमा तीन ३ जना निको भएका छन् । यस्तै प्रदेश नम्बर ५ मा एक सय ३३ जना, कर्णाली प्रदेशमा ९ र सुदूरपश्चिम प्रदेशमा १३ जना उपचारपछि निको भएका छन् । 

आज दुई सय १३ जनामा काेराेना पुष्टि भएसँगै कुल सङ्क्रमितकाे सङ्ख्या तीन हजार चार सय ४८ पुगेकाे छ भने अहिलेसम्म १३ जनाकाे ज्यान गएकाे छ ।