काठमाण्डौ – बालुवाटारमा सरकारविरुद्ध प्रदर्शन भएको छ । काेराेना नियन्त्रणकाे लागि सरकारले गरेको खर्च पारदर्शी हुनुपर्ने, पीसीआर परीक्षणको दायरा बढाउनुपर्ने माग राख्दै सरकारविरुद्ध प्रदर्शन भएको हो । 

प्रदर्शनकारीहरुले सरकारले खर्चको विवरणभन्दा उपलब्धि देखाउनुपर्ने माग गरेका छन् । प्रदर्शनकारीहरुले ‘खै, खै, खै के उपलब्धि भयो ?, सरकारको पाराले दुःख पायो साराले, एकादेशको १० अर्बको कथा कठै मेरो देशको व्यथा, खर्च हैन उपलब्धि देखाउ, एक दुई तीन चार बन्द गर भ्रष्टाचार’, लगायतका नारा लेखिएका प्ले कार्ड बोकेका थिए । 

प्रदर्शनकारीहरुलाई तितरबितर पार्न प्रहरीले पानीको फोहोरा र अश्रुग्यास प्रहार गरेको थियो । 

सरकारले काेराेना राेकथामकाे लागि १० अर्ब रुपैयाँ खर्च भइसकेकाे बताएपछि सदनदेखि सडकसम्म कहाँ–कति खर्च भयाे भनेर पारदर्शी हिसाब देखाउन सरकारसँग आग्रह गर्दै आइरकाे छन् ।