काठमाण्डाै उपत्यकामा घरभित्रै बाढी, जनजीवन अस्तव्यस्त (फोटो फिचर)

काठमाण्डाै – गएरातिकाे अविरल वर्षाका कारण काठमाण्डाै उपत्यकाका विभिन्न ठाउँ डुबानमा परेका छन् ।

काठमाण्डाै उपत्यकाका तीन वटा जिल्ला (काठमाण्डाै, ललितपुर र भक्तपुर) का नदी किनारका बस्ती, सडक संरचनाहरू लेदो पानीले भरिएको छ । काठमाण्डाैकाे बल्खु, भक्तपुरको हनुमन्ते खोला आसपासका क्षेत्रहरूमा बाढी पसेको छ जसले उपत्यकाका आमनागरिकको जनजीवन प्रभावित भएको छ ।

नदी किनार छेउमा व्यापार व्यवसाय गर्दै आएकाहरू पानी र लेदो बालुवा पन्छाउन व्यस्त छन् । नदी छेउका सडकहरूमा पनि राम्रोसँग गाडी सञ्चालन हुन सकेका छैनन् । कतिपय विद्यालयहरू बाढीकै कारण बन्द भएका छन् भने कतिपय अनलाइन माध्यमबाट अध्ययन गराइरहेका छन् । कतिपय ठाउँमा घरभित्रै बाढी पसेको छ ।