अरनिको राजमार्गको धुलिखेल–खावा सडकखण्डमा असार २२ देखि साउन ४ सम्म रातको समयमा गाडी चलाउन नपाइने

काठमाण्डौ — अरनिको राजमार्गको धुलिखेल–खावा सडकखण्डमा असार २२ गतेदेखि साउन ४ गतेसम्म रातको समयमा गाडी चलाउन नपाइने भएको छ । जिल्ला सुरक्षा समिति काभ्रेले सडक स्तरोन्नति गर्न  टिपर र ठूला मालवाहक ट्रकलाई पूर्णतः प्रवेश निषेध गर्नुका साथै अरु गाडीलाई बेलुका सात बजेदेखि बिहान पाँच बजेसम्म रोक लगाउने निर्णय गरेको हो ।

समितिका संयोजक तथा  प्रमुख जिल्ला अधिकारी गोपाल कुमार अधिकारीका अनुसार आर्थिक वर्षको अन्त्यमा निर्माण सामग्री ढुवानी प्रभावित नहोस् भन्ने उद्देश्यले यात्रु तथा मालवाहकलाई वैकल्पिक मार्ग प्रयोग गर्न सिफारिस गरिएको छ ।  एम्बुलेन्ससहित अत्यावश्यक सेवाका गाडीहरु चलाउन भने कुनै अबरोध नभएको उहाँले बताउनुभयो ।