इटालीका महान् फुटबलर बारेसीको ६६ वर्षको उमेरमा निधन

उज्यालो सहकर्मी

शुक्रबार, साउन १५, २०८३

इटालीका महान् फुटबलर बारेसीको ६६ वर्षको उमेरमा निधन

बारेसी २२ वर्षको उमेरमा एसी मिलानका कप्तान बनेका थिए । तस्वीर : गेटी इमेजेज

काठमाण्डाै – इटालीका महान् फुटबलर फ्रान्को बारेसीको ६६ वर्षको उमेरमा आज निधन भएको छ ।

बारेसी सन् १९८० देखि ९० को दशकमा एसी मिलानको कप्तान रहेका थिए । बारेसी २२ वर्षको उमेरमा एसी मिलानका कप्तान बनेका थिए । मिलानले उनको निधनको पुष्टि गरेको छ ।

मिलानले ३ पटक युरोपेली कप र ३ पटक इटाली लिग उपाधि जित्दा बारेसी टोलीको सदस्य थिए ।

फुटबल इतिहासकै उत्कृष्ट डिफेन्डरमा मानिले बारेसी सन् १९८२ मा इटालीले विश्वकपको उपाधि जित्दा टोलीको सदस्य थिए । सन् १९९४ को विश्वकपमा इटाली उपविजेता बन्दा पनि उनी टोलीको सदस्य थिए ।

बारेसीले इटालीबाट ८१ र एसी मिलानबाट ७१९ खेल खेले । उनले सन् १९९७ मा खेल जीवनबाट सन्न्यास लिएका थिए ।

प्रकाशित मिति: शुक्रबार, साउन १५, २०८३ १७:४८