भारतले सेप्टेम्बरमा अफगानिस्तानसँग टी–२० शृङ्खला खेल्ने

काठमाण्डाै – भारतले आउँदो सेप्टेम्बर महिनामा अफगानिस्तानसँग ३ खेलको टी–२० अन्तर्राष्ट्रिय क्रिकेट शृङ्खला खेल्ने भएको छ ।

भारतीय क्रिकेट बोर्ड (बीसीसीआई) र अफगानिस्तान क्रिकेट बोर्ड (एसीबी) ले आज संयुक्त विज्ञप्ति निकालेर शृङ्खला घोषणा गरेका हुन् ।

टी–२० शृङ्खलाको ३ वटै खेल दिल्लीको अरुण जेटली रङ्गशालामा हुनेछ । पहिलो टी–२० सेप्टेम्बर १३, दोस्रो टी–२० सेप्टेम्बर १५ र तेस्रो टी–२० सेप्टेम्बर १७ मा हुनेछ । सन् २०२४ को जनवरीयता भारत र अफगानिस्तानबीच पहिलो पटक टी–२० शृङ्खला हुन लागेको हो ।

अफगानिस्तानले आफ्नो ‘फ्युचर टुर प्रोग्राम’ अन्तर्गत दिल्लीमा टी–२० शृङ्खला आयोजना गर्न लागेको हो । अफगानिस्तानले पछिल्ला वर्षहरूमा आफ्ना घरेलु मैदानका खेलहरू भारतमै आयोजना गर्दै आएको छ ।

यी दुई टोलीले यही वर्षको जुन महिनामा ३ खेलको एकदिवसीय अन्तर्राष्ट्रिय शृङ्खला खेलेका थिए । याे शृङ्खला भारतले ३० ले क्लिन स्वीप गरेकाे थियाे ।