भेरीमा जीप खस्दा २ जना बेपत्ता

उज्यालो सहकर्मी

बुधबार, साउन २७, २०८३

प्रतीकात्मक तस्वीर

काठमाण्डाै – सल्यानको बनगाड कुपिण्डे नगरपालिका–१ अम्रा नजिकै भेरी नदीमा जीप खस्दा २ जना बेपत्ता भएका छन् ।

बेपत्ता हुनेमा दाङ बस्दै आएका हेमराज बीसी र सिद्ध कुमाख गाउँपालिका–४ का खलबहादुर राना रहेका जिल्ला प्रहरी कार्यालय सल्यानले जनाएको छ । उनीहरू जीप धनी र चालक हुन् ।

आज दिउँसो सडकबाट ५० मिटर तल भेरीमा खसेर बेपत्ता भएको जीपमा रहेका ४ मध्ये बनगाड–१ आपखोली बस्ने २९ वर्षीय प्रेम विक र २१ वर्षीय खुमलाल बुढाथोकीलाई घाइते अवस्थामा उद्धार गरेको प्रहरीले जनाएको छ ।

अहिले प्रहरी टोली घटनास्थल पुगेर बेपत्ता व्यक्ति र जीपको खोजी गरिरहेको छ ।

प्रकाशित मिति: बुधबार, साउन २७, २०८३ १८:०८