सिटीलाई हराउँदै कम्युनिटी शिल्ड प्रतियोगीताको उपाधी आर्सनलले जित्यो

इंग्लिस प्रिमियर लिग च्याम्पियन आर्सनलले म्यानचेस्टर सिटीलाई ३–० ले पराजित गर्दै सन २०२६ को कम्युनिटी शिल्डको उपाधि जितेको छ ।

प्रिन्सिपालिटी स्टेडियममा हिजो भएको खेलमा आर्सनलले सुरुआतमै अग्रता बनायो ।  खेल शुरु भएको २३ सेकेन्डमै माइल्स लुइस स्केलीको पासमा रिकार्डो कालाफिओरीले गोल गर्दै टोलीलाई अघि बढाए ।

आर्सनलले २८औँ मिनेटमा अग्रता दोब्बर बनायो । नयाँ खेलाडी क्रिस्टोस त्जोलिसले मार्टिन ओडेगार्डको क्रसलाई गोलतर्फ फर्काएपछि काइ हाभट्र्जले हेडमार्फत गोल गरे ।

दोस्रो हाफ शुरु भएको तीन मिनेटमै आर्सनलले तेस्रो गोल थप्यो । त्जोलिसको पासमा ओडेगार्डले सिटीको पेनाल्टी क्षेत्रमा बल पाए ।

एफए कप विजेता सिटीमाथिको जितसँगै आर्सनलले पछिल्लो चार महिनामा दोस्रो उपाधि जितेको हो । आर्सनलको यो समग्रमा १८औँ कम्युनिटी शिल्ड उपाधिसमेत हो ।