व्यवसायीको आह्वानमा म्यानपावरहरु बन्द

काठमाण्डौ — नेपाल वैदेशिक रोजगार व्यवसायी संघको आव्हानमा आजदेखि म्यानपावरहरू बन्द भएका छन् । सेवा शुल्क परिमार्जन लगायत १५ बुँदे माग पूरा गर्न सरकारलाई दिएको अल्टिमेटममा सहमति नभएको भन्दै म्यानपावर व्यवसायीहरूले आजदेखि श्रमिकलाई वैदेशिक रोजगारीमा पठाउन बन्द गरेका हुन् ।

वार्ता र आन्दोलनका कार्यक्रमलाई सँगसँगै अगाडि बढाउने संघले जनाएको छ । यसअघि संघले साउन ७ गते व्यवसायीहरूको विशेष भेला आयोजना गरेर सरकारलाई १५ बुँदे माग राखेको थियो ।

वैदेशिक रोजगारीमा जाने श्रमिकले म्यानपावर व्यवसायीलाई दिनुपर्ने सेवा शुल्क निर्धारण गर्नुपर्ने, वैदेशिक रोजगार विभागले गरेको कारबाही फिर्ता लिनुपर्ने लगायत माग संघले राखेको छ ।