टेस्ट क्रिकेटमा सबैभन्दा छिटो १०० छक्का प्रहार गर्ने खेलाडी बने ऋषभ पन्त

काठमाण्डाै – भारतका विकेटकिपर ब्याटर ऋषभ पन्त टेस्ट क्रिकेटमा सबैभन्दा छिटो १०० छक्का प्रहार गर्ने खेलाडी बनेका छन् ।

२८ वर्षीय ब्याटर पन्तले घरेलु टोली श्रीलङ्कासँगको पहिलो टेस्टमा यो उपलब्धि हासिल गरेका हुन् । उनी टेस्ट क्रिकेटमा १०० छक्का प्रहार गर्ने पहिलो भारतीय खेलाडी पनि बनेका छन् ।

पन्तले टेस्ट क्रिकेटमा ८९ पारीमा ४ हजार ९१८ बलको सामना गर्दै १०० छक्का प्रहार गर्दै इतिहास रचेका हुन् ।

यसअघि यो कीर्तिमान इङ्ग्ल्यान्डका बेन स्टोक्सको नाममा थियो । उनले १५१ पारीमा ९ हजार ४२ बलको सामना गर्दै टेस्ट क्रिकेटमा १०० छक्का प्रहार गरेका थिए ।

टेस्ट क्रिकेटमा १०० छक्का पूरा गर्ने अरू २ जना खेलाडी अस्ट्रेलियाका एडम गिलक्रिस्ट र न्युजिल्यान्डका ब्रेन्डन म्याकलम रहेका छन् ।

टेस्ट क्रिकेटमा सबैभन्दा धेरै छक्का प्रहार गर्ने कीर्तिमान भने बेन स्टोक्सकै नाममा छ । स्टोक्सले २२० पारीमा १३८ छक्का प्रहार गरेका छन् ।