भारतीय क्रिकेट टोलीको बङ्गलादेश भ्रमण फेरि पनि स्थगित हुन सक्ने

काठमाण्डाै – बङ्गलादेश क्रिकेट बोर्ड (बीसीबी) का अध्यक्ष तमिम इकबालले अर्को महिनाका लागि तय भएको भारतको बङ्गलादेश भ्रमण फेरि स्थगित हुन सक्ने सङ्केत गरेका छन् ।

भारतको बङ्गलादेश भ्रमणबारे अहिले भारतीय क्रिकेट नियन्त्रण बोर्ड (बीसीसीआई) र बीसीबीबीच छलफल चलिरहेको क्रिकेटसम्बन्धी जानकारी दिने वेबसाइट क्रिकइन्फोले जनाएको छ ।

याे भ्रमण शुरूमा गएको वर्षको अगस्टका लागि तय भएको थियो तर पछिल्लाे पटक आउँदो सेप्टेम्बरसम्म सरेकाे छ ।

गएको जनवरीमा बीसीबीले भारतीय टोलीले ढाका र चट्टोग्राममा ३ वटा एकदिवसीय र ३ वटा टी–२० क्रिकेट खेल्ने घोषणा गरेको थियो । तर बीसीसीआईले यस सम्बन्धमा सार्वजनिक घोषणा गरेको छैन ।

निर्धारित तालिकाअनुसार पहिलो एकदिवसीय क्रिकेट सेप्टेम्बर ३ मा हुने तय छ । तर मिति फेरि परिवर्तन हुन सक्ने अनुमान छ ।

इन्डियन प्रिमियर लिग (आईपीएल) को टोली कोलकाता नाइट राइडर्सले बङ्गलादेशी खेलाडी मुस्ताफिजुर रहमानलाई टोलीबाट हटाएपछि दुई बोर्डबीचको सम्बन्ध चिसिएको थियो । त्यसपछि अमिनुल इस्लामको नेतृत्वमा रहेको बीसीबीले भारतको सह–आयोजनामा भएको टी–२० विश्वकपका लागि टोली पठाउन अस्वीकार गरेको थियो ।

यही महिनाको शुरूमा बीसीबीका नयाँ अध्यक्ष तामिम इकबालले भारतको भ्रमण गर्दा र प्राप्त जानकारीअनुसार बेङ्गलुरुमा रहेको बीसीसीआई को ‘सेन्टर अफ एक्सिलेन्स’ को भ्रमण गर्दा सम्बन्धमा सुधार आएको छ ।