चार महिनामा विपद्का पाँच हजारभन्दा धेरै घटना, २५० जनाको ज्यान गयो

उज्यालो सहकर्मी

शनिबार, भदौ ६, २०८३

चार महिनामा विपद्का पाँच हजारभन्दा धेरै घटना, २५० जनाको ज्यान गयो

काठमाण्डौ — बितेका चार महिनामा देशका विभिन्न ठाउँमा गरी पाँच हजारभन्दा धेरै विपद्जन्य घटना भएका छन् । ती घटनामा २५० जनाको ज्यान गएको राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्याङ्क छ ।

गएको वैशाख १ यता हिजो ५ गतेसम्म देशभर पाँच हजार १४ विपद्का घटना भएका हुन् । यी घटनामा अहिलेसम्म आठ जना बेपत्ता र एक हजार ६०७ जना घाइते भएका छन् ।

प्राधिकरणका अनुसार विपद्बाट यो अवधिमा ६ हजार २७२ परिवार प्रभावित भएका छन् । सबैभन्दा धेरै आगलागीका १ हजार १३६ घटना भएका छन् ।

त्यसैगरी, पहिरोका एक हजार ११, सर्पदंशका एक हजार १०, हावाहुरीका ४८०, चट्याङका २४५ र अन्य बाढी/हिमपहिरो, जनावरको आक्रमणलगायत रहेका छन् ।

प्रकाशित मिति: शनिबार, भदौ ६, २०८३ ११:०२