भोटेकोशीमा अहिलेलाई बाढीको ठूलो जोखिम नरहेको बाढी पूर्वानुमान महाशाखाको भनाइ

उज्यालो सहकर्मी

आइतबार, भदौ १४, २०८३

भोटेकोशीमा अहिलेलाई बाढीको ठूलो जोखिम नरहेको बाढी पूर्वानुमान महाशाखाको भनाइ

फाइल तस्वीर

काठमाण्डौ – रसुवाको भोटेकोशी नदीमा अहिलेलाई बाढीको ठूलो जोखिम नरहेको बाढी पूर्वानुमान महाशाखाले जनाएको छ ।

यसअघि जिल्ला प्रहरी कार्यालय रसुवाले भोटेकोशी नदीमा बाढीको बहाव बढेको आवाज सुनिएको भन्ने सूचनाको आधारमा महाशाखाले बाढीको सम्भावित जोखिमलाई ध्यानमा राख्दै रसुवा, नुवाकोट र धादिङका नदी किनारमा सतर्कता अपनाउन भनेको थियो ।

तर अहिलेलाई बाढी केही बढे पनि ठूलो जोखिम नरहेको महाशाखाले स्पष्ट पारेको छ ।

बाढीसम्बन्धी प्राप्त सूचनाको आधिकारिक पुष्टि हुन बाँकी रहेकाले हल्लाको पछि नलागी आधिकारिक सूचनामा ध्यान दिन र आवश्यक सावधानी अपनाउन आग्रह गरिएको छ ।

प्रकाशित मिति: आइतबार, भदौ १४, २०८३ ०६:२०