प्रधानमन्त्री राहत कोषमा सात अर्ब ८८ लाख जम्मा

काठमाण्डाै – रसुवा बाढी प्रभावितका लागि प्रधानमन्त्री दैवी प्रकोप उद्धार कोषमा आर्थिक सहयोग जुट्ने क्रम बढ्दै गएको छ ।

प्रधानमन्त्री वालेन्द्र शाहले आज प्रतिनिधिसभाको बैठकमा सम्बोधन गर्दै नेपाल सरकारले राहत काेषमा आर्थिक सहयोग जुटाइरहेको र यसमा सहयोग आउने क्रम बढ्दै गरेको जानकारी दिनुभयो ।

उहाँका अनुसार राहत कोषमा अहिलेसम्म सात अर्ब ८८ लाख ५७ हजार २१७ रुपैयाँ जम्मा भएको छ । हिजाेमात्रै यस कोषबाट राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई एक अर्ब रुपैयाँ निकासा भएको थियो । त्यसमध्येबाट ६ करोड ७५ लाख रसुवा, नुवाकोट, धादिङ, गोरखा र तनहुँका बाढी प्रभावित १५ वटा पालिकामा निकास भइसकेको छ ।

प्रधानमन्त्री दैवी प्रकोप उद्धार कोषमा अहिले ६ अर्ब ८८ लाख ५७ हजार २१७ रुपैयाँ मौज्दात रहेको छ भने थप ६१ लाख ४१ हजार ७०२ अमेरिकी डलर जम्मा भएको छ ।