नुवाकोट र रसुवामा आकश्मिक बाढीको उच्च जोखिम

काठमाण्डौ – आज रसुवा र नुवाकोटसहित ५० जिल्लामा बाढीको जोखिम छ ।

बाढी पूर्वानुमान महाशाखाका अनुसार नुवाकोट र रसुवामा आकश्मिक बाढीको उच्च जोखिम छ । महाशाखाका अनुसार रसुवा र नुवाकोट जिल्ला भई बहने भोटेकोशी, त्रिशुली नदी तथा स–साना नदीहरुको बहाव उल्लेख्य बढ्ने र आकश्मिक बाढीको उच्च सम्भावना रहेको छ ।

आज ताप्लेजुङ, पाँचथर, तेह्रथुम, संखुवासभा, धनकुटा, भोजपुर, सोलुखुम्बु, ओखलढुङ्गा, खोटाङ, उदयपुर, दोलखा, रामेछाप, सिन्धुली, सिन्धुपाल्चोक, काभ्रेपलाञ्चोक, ललितपुर, भक्तपुर, काठमाण्डौ, धादिङ, मकवानपुर, चितवन, गोरखा, तनहुँ, लमजुङमा आकस्मिक बाढीको मध्यम जोखिम छ ।

यस्तै मनाङ्ग, मुस्ताङ, म्याग्दी, कास्की, स्याङ्जा, पर्वत, डोल्पा, रुकुम पूर्व, रुकुम पश्चिम, सल्यान, जाजरकोट, सुर्खेत, दैलेख, कालिकोट, मुगु, हुम्ला, जुम्ला, अछाम, बझाङ, बाजुरा, डडेल्धुरा, बैतडी, दार्चुला, र कन्चनपुरमा पनि आकश्मिक बाढीको मध्यम जोखिम रहेको महाशाखाले जनाएको छ ।

नदी तथा खोलानालाको आसपास र बाढीको जोखिम रहेका क्षेत्रमा बसोबास गर्ने नागरिकलाई सतर्क रहन, नदीको बहाव बढेको अवस्थामा तटीय क्षेत्रमा नजान तथा आवश्यक परे सुरक्षित ठाउँतर्फ सर्न महाशाखाको आग्रह छ ।