एनभीएल : अन्नपूर्णको तेस्रो जीत, खप्तडकाे लगातार चाैथाे हार

काठमाण्डाै – नेपाल भलिबल लिग (एनभीएल) मा अन्नपूर्ण स्पाइकर किङ्ग्सले तेस्रो जीत हात पारेको छ ।

राष्ट्रिय खेलकुद परिषद् (राखेप) को कभर्डहल त्रिपुरेश्वरमा आज भएको पहिलो खेलमा अन्नपूर्णले खप्तड फाल्कन्स सुदूरपश्चिमलाई ३–० को सोझो सेटमा हरायो । अन्नपूर्णले पहिलो सेट २५–१५, दोस्रो सेट २५–१५ र तेस्रो सेट २९–२७ ले जित्यो ।

योसँगै अन्नपूर्ण ४ खेलमा लगातार तेस्रो जीतसहित ९ अङ्क जोड्दै तालिकाको शीर्ष स्थानमा उक्लिएको छ । यस्तै खप्तडको यो लगातार चौथो हार हो । तालिकामा पुछारमा रहेको खप्तड अङ्कविहीन छ ।

प्रतियोगितामा अहिले बेलुकी ७ बजे कर्णाली शिवराज र काठमाण्डौ रेड्स खेल्दैछन् । कर्णाली ३ खेलमा ८ अङ्कसहित तालिकाको शीर्ष स्थानमा छ । काठमाण्डौ ३ खेलमा ५ अङ्कसहित चौथो स्थानमा छ ।

६ वटा टोली सहभागी पहिलो संस्करणको एनभीएलको विजेताले २० लाख रुपैयाँ पुरस्कार प्राप्त गर्नेछ । प्रतियोगिताको फाइनल खेल आउँदो २८ गते आइतवार हुनेछ ।