धारापानीमा सडक ढलान गर्न बेंसीसहर–चामे सडक भरे बेलुका ५ बजेसम्मका लागि बन्द

रासस

शनिबार, भदौ २७, २०८३

धारापानीमा सडक ढलान गर्न बेंसीसहर–चामे सडक भरे बेलुका ५ बजेसम्मका लागि बन्द

तस्वीर : रासस

काठमाण्डौ – लमजुङ र मनाङ जोड्ने बेँसीसहर–चामे सडकअन्तर्गत मनाङको नासो गाउँपालिका–३ धारापानीमा सडक ढलान गर्न भरे बेलुका ५ बजेसम्मका लागि बन्द भएको छ ।

बिहान नौ बजेदेखि बन्द गरेको सडक बेलुका ५ बजेपछि मात्र खुलाउने मनाङका प्रमुख जिल्ला अधिकारी मुक्तिप्रसाद खनालले जानकारी दिनुभयो । उहाँका अनुसार धारापानी क्षेत्रमा एक सय ३५ मेगावाट क्षमताको मनाङ मर्स्याङ्दी जलविद्युत् आयोजनाले झण्डै ५० मिटर सडक ढलान गर्ने भएको हो ।

सडक साँघुरो हुनुका साथै दुवैतर्फ घर रहेकाले ढलानका क्रममा सवारीसाधन सञ्चालनका लागि वैकल्पिक व्यवस्था गर्न नसकिने भएकाले सडक पूर्ण रूपमा बन्द गर्न लागिएको उहाँले बताउनुभयो ।

प्रकाशित मिति: शनिबार, भदौ २७, २०८३ ११:५३