महिला एशिया कप फाइनल : ७ पटककाे विजेता भारत र साविक विजेता श्रीलङ्का खेल्दै

काठमाण्डाै – १०औँ संस्करणको एसीसी महिला एशिया कप टी–२० क्रिकेट प्रतियोगिताको उपाधिका लागि आज राति भारत र श्रीलङ्का खेल्दैछन् ।

फाइनल खेल यूएईको दुबई अन्तर्राष्ट्रिय क्रिकेटमा नेपाली समयअनुसार राति सवा ८ बजे शुरू हुनेछ । श्रीलङ्का साविक विजेता टोली हो । गएको संस्करणमा भारतलाई हराउँदै श्रीलङ्काले उपाधि जितेको थियो ।

भारत र श्रीलङ्का अपराजित रहँदै फाइनलमा पुगेका हुन् । भारतले लिग चरणमा पाकिस्तान, थाइल्यान्ड र हङकङलाई तथा सेमिफाइलनमा बङ्गलादेशलाई हराएको थियो ।

यस्तै श्रीलङ्काले लिग चरणमा बङ्गलादेश, यूएई र इन्डोनेशिया तथा सेमिफाइलनमा पाकिस्तानलाई हराएको थियो ।

महिला एशिया कप फाइनलमा भारत र श्रीलङ्काबीच सातौँ पटक प्रतिस्पर्धा हुन लागेको हो । यसअघिका भेटमा भारत ५ र श्रीलङ्का १ पटक विजयी भएका छन् ।

प्रतियोगितामा भारत सबैभन्दा सफल टोली हो । अहिलेसम्म सम्पन्न ९ वटै संस्करणमा फाइनल खेलेको भारतले ७ पटक उपाधि जितेको छ । ६ पटक फाइनल खेलेको श्रीलङ्काले सन् २०२४ मा उपाधि जितेको छ । यस्तै बङ्गलादेशले सन् २०१८ मा उपाधि जितेको छ ।