प्रस्तावित  राजदुतहरूको संसदीय सुनुवाई प्रक्रिया शुरु

संसदीय सुनुवाई समितिले सरकारले विभिन्न १३ देशका लागि सिफारिस गरेका प्रस्तावित राजदुतहरूको संसदीय सुनुवाई प्रक्रिया शुरु राजदुतहरूको सुनुवाई प्रक्रिया औपचारिक रूपमा अघि बढाएको छ ।

आज बसेको समितिको बैठकले प्रश्तावित राजदुतहरूको योग्यता, कार्ययोजना र उनीहरूविरुद्ध आउन सक्ने उजुरीलाई आधार बनाएर सुनुवाई प्रक्रियालाई दशैँअगावै सम्पन्न गर्ने गरी कार्यतालिका तय गरेको हो ।

समितिका सभापति वोधनारायण श्रेष्ठकाअनुसार सुनुवाई प्रक्रियालाई प्रभावकारी र छिटो बनाउन तीनवटा समानान्तर आधारहरूमा काम गरिनेछ । जसमा प्रस्तावित राजदुतहरूको शैक्षिक योग्यता र बायोडाटा, उनीहरूले प्रस्तुत गर्ने कार्ययोजना र नागरिक तहबाट प्राप्त हुने उजुरीहरू समावेश छन् ।

समितिले यी विषयहरूको अध्ययन कार्यलाई तिब्रता दिएको छ ।