नवलपरासीको दाउन्नेमा बस दुर्घटना : ६ जनाको ज्यान गयो, १० जना घाइते

उज्यालो सहकर्मी

शनिबार, असोज १७, २०८३

नवलपरासीको दाउन्नेमा बस दुर्घटना : ६ जनाको ज्यान गयो, १० जना घाइते

तस्वीर : सामाजिक सञ्जाल

काठमाण्डौ – नवलपरासीको दाउन्नेमा आज बिहान बस दुर्घटना हुँदा ६ जनाको ज्यान गएको छ । १० जना यात्रु घाइते भएका छन् ।

जिल्ला प्रहरी कार्यालय नवलपरासी पूर्वकाअनुसार कोहलपुरबाट काठमाण्डौका लागि छुटेको प्रदेश ३–०१–००६ ख १५५३ नम्बरको बस आज बिहान पौने ४ बजे महेन्द्र राजमार्गअन्तर्गत नवलपरासीको विनयी त्रिवेणी गाउँपालिका–२ दाउन्नेमा ब्रेक फेल भएर पल्टिएको हो ।

घाइतेलाई उद्धार गरी कावासोतीमा रहेको मध्यबिन्दु अस्पतालमा पठाइएको प्रहरीले जनाएको छ । दुर्घटनामा ज्यान गुमाएका जाजरकोटको भेरीगंगा नगरपालिका–३ का ५० वर्षीय निर्जुङ खत्रीको मात्रै पहिचान खुलेको छ । अरु ज्यान गुमाएका पाँच जनाको परिचय खुल्न बाँकी छ ।

प्रकाशित मिति: शनिबार, असोज १७, २०८३ ०८:०६