भारतको धौलीगंगा बाँध आज रातिदेखि खोलिने, महाकाली तटीय क्षेत्रमा सतर्क रहन आग्रह

उज्यालो सहकर्मी

शनिबार, असोज १७, २०८३

भारतको धौलीगंगा बाँध आज रातिदेखि खोलिने, महाकाली तटीय क्षेत्रमा सतर्क रहन आग्रह

फाइल तस्वीर

काठमाण्डौ – भारतको उत्तराखण्डमा रहेको धौलीगंगा जलविद्युत् आयोजनाको बाँधका ढोका आज रातिदेखि ४८ घण्टाका लागि खोलिने भएको छ ।

आयोजनाको बाँधमा रहेको सिल्ट सफाइका लागि आज राति १ बजेदेखि पर्सि सोमबार राति १ बजेसम्म बाँधका ढोका खोलिने भएको जिल्ला प्रशासन कार्यालय कञ्चनपुरले जनाएको छ ।

बाँधका ढोका खोलिएपछि महाकाली नदीमा जलस्तर बढ्न सक्छ । महाकाली नदी तटीय क्षेत्रका बासिन्दालाई सतर्क रहन प्रशासनले आग्रह गरेको छ ।

नदी तथा नदी किनारमा नजान र सम्भावित जोखिमबाट सुरक्षित रहन प्रशासनले सूचनामार्फत् अनुरोध गरेको हो ।

प्रकाशित मिति: शनिबार, असोज १७, २०८३ ०८:५९