ट्रम्पद्वारा ‘एआई’ केन्द्रित उच्चस्तरीय कार्यदल गठन

अमेरिकी राष्ट्रपति डोनल्ड ट्रम्पले कृत्रिम बुद्धिमत्ता अर्थात्  ‘एआई’ मा केन्द्रित एउटा नयाँ उच्चस्तरीय कार्यदल गठन गर्नुभएको छ ।

‘सुपर इन्टेलिजन्स फोर्स’ नाम दिइएको निकायको नेतृत्व राष्ट्रिय गुप्तचर निर्देशक जे क्लेटनले गर्नुहुनेछ । अमेरिकालाई यस प्रविधिको विकासमा अग्रस्थानमा राख्न र सरकारसँगको सहकार्यलाई समन्वय गर्न यो कार्यदल गठन गरिएको ह्वाइटहाउसलाई उद्धृत गर्दै बीबीसीले जनाएको छ ।

ट्रम्पले गएको सेप्टेम्बर २९ मा कार्यकारी आदेशमा हस्ताक्षर गर्दै आर्टिफिसियल इन्टेलिजन्स (एआई) शब्द फेरेर ‘सुपर इन्टेलिजन्स’ अर्थात् (एसआई) राख्नुभएको थियो । आर्टिफिसियल भन्दा नक्कली जस्तो सुनिने उहाँको तर्क छ ।

यो निकायले सीधै राष्ट्रपति र ह्वाइट हाउसकी चिफ अफ स्टाफ अन्तर्गत रहेर काम गर्नेछ ।

ओपनएआई र एन्थ्रोपिकसहितका प्रमुख प्रविधि कम्पनीका कार्यकारीहरूले कडा नियमनको माग गरिरहेका बेला यो कार्यदल बनेको हो । तर ट्रम्पले कडा निगरानीको माग अस्वीकार गर्दै नियमनको धेरैजसो जिम्मेवारी एआई कम्पनीहरूलाई नै छोडिदिनुभएको छ ।

खर्बपति एलन मस्कसहितका प्रविधि दिग्गजहरूले पनि नयाँ नाम प्रयोग गर्न थालिसकेका छन् ।