सशस्त्र प्रहरीका एआईजी वंशीराज दाहाल निलम्बित

उज्यालो सहकर्मी

मंगलबार, असोज २०, २०८३

सशस्त्र प्रहरीका एआईजी वंशीराज दाहाल निलम्बित

काठमाण्डौ – सशस्त्र प्रहरीका एआईजी वंशीराज दाहाल संवेदनशील सुरक्षा सूचना चुहावट गरी आचरणविपरीत कार्य गरेको आरोपमा निलम्बनमा पर्नुभएको छ ।

गृह मन्त्रालयका अनुसार सशस्त्र प्रहरी बल, नेपालबाट कारबाहीका लागि मन्त्रालयमा सिफारिस प्राप्त भएको आधारमा निलम्बन गरिएको हो ।

दाहाललाई निलम्बन गरेर तीन दिनभित्र जाँचबुझ सम्पन्न गरेर मन्त्रालयमा पेस गर्न समिति बनाइएको छ ।

एआईजी दाहालको पदावधि थप गर्न भन्दै सशस्त्र प्रहरी बल प्रधान कार्यालयले गएको बुधबार मन्त्रालयमा सिफारिस गरेको थियो । उहाँ यही असोज २७ मा चार वर्षे पदावधि पूरा गरेर अवकाशमा जाने तयारीमा हुनुहुन्थ्यो ।

प्रकाशित मिति: मंगलबार, असोज २०, २०८३ ०९:४४