नाइजेरियामा सैन्य विमान दुर्घटना, ३२ जनाको ज्यान गयो

नाइजेरियामा सैन्य विमान दुर्घटना भएको छ ।

राष्ट्रपति बोला टिनुबुले दक्षिणपश्चिमी ओन्डो राज्यमा हिजो भएको सैन्य विमान दुर्घटनामा विमानमा रहेका ३२ जनाको ज्यान  गएको पुष्टि गर्नुभएको चिनियाँ समाचार संस्था सिन्ह्वाले जनाएको छ ।

उड्डयन तथा एरोस्पेस विकासमन्त्री फेस्टस केयामोका अनुसार २५ जना यात्रु र सात जना चालक दलका सदस्य रहेको सैन्य विमान ओन्डो राज्यको नदी किनारमा अवस्थित इग्बोकाडा समुदायको नौसैनिक आधार नजिक दुर्घटना भएको हो ।

नाइजेरियाका राष्ट्रपति टिनुबुले यो दुर्घटना सैन्य बल तथा सम्पूर्ण देशबासीका लागि अत्यन्तै दुःखद् क्षण भएको बताउनुभएको छ । नाइजेरियाली वायुसेनाका अनुसार शुरुमा हेलिकोप्टर दुर्घटना भएको अनुमान गरिएको भए पनि यो विमान दुई इन्जिनयुक्त टर्बोप्रप विमान रहेको पुष्टि भएको छ ।

विमान दक्षिणी नाइजेरियाको बेनिन सहरबाट लागोसतर्फ नियमित उडानमा क्रममा दुर्घटना भएको हो ।