भोटेकोशीको बाढीमा बेपत्ता नागरिकको मृत्यु दर्ताका लागि दुई ऐन संशोधनको तयारी
काठमाण्डौ – सरकारले भोटेकोशीको बाढीमा बेपत्ता भएका नागरिकको मृत्यु दर्ताका लागि दुई ऐन संशोधनको तयारी गरेको छ ।
गृहसचिव केदारनाथ शर्माले भोटेकोशी र त्रिशूली नदी क्षेत्रमा गएको भदौ १० मा आएको बाढीमा बेपत्ता नागरिकको मृत्यु दर्ता प्रक्रियालाई कानूनी मान्यता दिन दुई वटा ऐन संशोधनको प्रश्ताव अघि बढेको बताउनुभएको छ ।
सिंहदरबारमा आज बसेको हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशुली विपद्सम्बन्धी संसदीय विशेष समितिको बैठकमा गृहसचिव शर्माले विपद्को शुरुवाती चरणमा भौगोलिक जटिलता र विषम परिस्थितिका कारण उद्धारमा केही चुनौती देखिए पनि अहिले सरकारी संयन्त्र, सुरक्षा निकाय र पालिकाको समन्वयात्मक प्रयासबाट प्रभावकारी काम भइरहेको बताउनुभयो ।
पुनर्निर्माणका विषयमा उहाँले राष्ट्रिय योजना आयोगको ‘र्यापिड ड्यामेज एण्ड निड एसेसमेन्ट’ अनुसार तत्कालका लागि ७ खर्ब २३ अर्ब रुपैयाँको क्षति अनुमान गरिएको बताउनुभयो ।
गृहसचिव शर्माले विपद्को यो घटना नेपालले अनुभव गरेको अहिलेसम्मकै भयावह र अकल्पनीय क्षति भएको भन्दै यसले सरकारको पूर्वतयारी क्षमतामा पनि प्रश्न खडा गरेको बताउनुभयो ।
प्रस्तावित राजदूतकाे सुनुवाइ दशैँअघि नै
मंगलबार, असोज २०, २०८३
चितवनका उद्योगी व्यवसायीद्वारा जोखिमयुक्त नारायणगढ बजार जोगाउन माग
मंगलबार, असोज २०, २०८३
पदीय हैसियत दुरुपयोग गरी गोप्य सूचना चुहाउनेमाथि कारबाही हुन्छ : गृहमन्त्री गुरुङ
मंगलबार, असोज २०, २०८३
सशस्त्र प्रहरीका एआईजी वंशीराज दाहाल निलम्बित
मंगलबार, असोज २०, २०८३
कांग्रेस केन्द्रीय कार्यसमितिको चुनाव हुने पद, समूह र सङ्ख्या (सूचीसहित)
मंगलबार, असोज २०, २०८३