पूर्वप्रधानन्यायाधीश जबराको घरमा सम्पत्ति शुद्धीकरण विभागको छापा

काठमाण्डाै – सम्पत्ति शुद्धीकरण विभागले पूर्वप्रधानन्यायाधीश चोलेन्द्रशमशेर जबरा र उहाँ निकटका केही व्यक्तिहरूको घरमा छापा मारेको छ ।

विभागको टोलीले दिउँसो जबरासहित नवराज थपलिया, दीपक तिमिल्सेना र नवीनराज बस्नेतलगायतका व्यक्तिहरूको निवासमा एकैसाथ छापा मारेको हो । उनीहरूको पूर्वप्रधानन्यायाधीश जबरासँग निकट सम्बन्ध रहेको र कतिपय मुद्दा मामिलामा मिलोमतो देखिएको विभागको दाबी छ ।

प्रहरीले यही असोज १० गते राति पूर्वप्रधानन्यायधीश जबरालाई घरबाटै पक्राउ गरेको थियो । सुरक्षा चुनौतीको कारण भनिए पनि यो घटनाले अनुसन्धानको दायरा फराकिलो बन्दै गएको देखाएको छ ।

यसअघि नै प्रहरीले जबराका निकट मानिने इनाम सापकोटालाई पक्राउ गरी अनुसन्धान गर्दा सशस्त्र प्रहरीका एआईजी वंशीराज दाहालसँगको सम्पर्क खुलेपछि दाहालसमेत निलम्बनमा पर्नुभएको छ ।