बागमती, मधेश र कोशी प्रदेशमा वर्षा : पानी पर्नेक्रम आजदेखि कम हुने

काठमाण्डौ – अहिले बागमती र मधेश प्रदेशका केही ठाउँ तथा कोशीका थोरै ठाउँमा पानी परिरहेको छ । काठमाण्डौ उपत्यका र आसपासका जिल्ला तथा मधेश प्रदेशका धेरैजसो जिल्लामा पानी परिरहेको मौसम पूर्वानुमान महाशाखाले जनाएको छ ।

गएराति काठमाण्डौ उपत्यकामा ठूलो पानी परेको थियो । गएरातिको तुलनामा अहिले बिहान पानी पर्नेक्रम केही घटेको छ । काठमाण्डौमा अहिले हल्का वर्षा भैरहेको छ ।

पूर्वको कोशी  प्रदेशका थोरै ठाउँमा पानी परेको छ । पानी परेका क्षेत्रमा आवश्यक सतर्कता अपनाउन महाशाखाले अनुरोध गरेको छ । हिजो बेलुका पनि बागमतीसहित कोशी र गण्डकी प्रदेशका  थोरै ठाउँमा पानी परेको थियो ।

मौसमविद्काअनुसार आजदेखि पानी पर्नेक्रम क्रमशः घट्ने र मौसममा सुधार हुँदै जाने अनुमान छ ।