पूर्वन्यायाधीश नावीलाई नोबेल पुरस्कार दिने निर्णयलगत्तै आईसीसीमाथि अमेरिकी प्रतिबन्ध

अमेरिकाले अन्तर्राष्ट्रिय फौजदारी अदालत (आईसीसी) माथि प्रतिबन्ध लगाएको छ ।

अदालतका पूर्वन्यायाधीश नावी पिल्लेलाई नोबेल शान्ति पुरस्कार दिइएको केही घण्टापछि अमेरिकी विदेशमन्त्री मार्को रुबियोले अन्तर्राष्ट्रिय फौजदारी अदालतलाई ‘दोषी अदालत’ को संज्ञासहित सञ्चालनमा प्रतिवन्ध लगाउने बताएको समाचार संस्था एएफपीले जनाएको छ ।

यो कदम राष्ट्रपति डोनाल्ड ट्रम्पको प्रशासनले हेगमा रहेको अदालतविरुद्ध लामो समयदेखि चलाइरहेको अभियानलाई थप तीव्र बनाउने कदमका रुपमा विश्लेषण गरिएको छ ।

अन्तर्राष्ट्रिय फौजदारी अदालतले अमेरिकी प्रतिबन्धलाई अन्तर्राष्ट्रिय कानुनमाथिको आक्रमण भन्दै अस्वीकार गरेको छ । उसको विज्ञप्तिमा ‘इतिहासले यो क्षणको न्याय गर्ने’ उल्लेख गरेको छ ।

नर्वेली नोबेल समितिले दक्षिण अफ्रिकाकी ८५ वर्षीया न्यायविद् नावी पिल्लेलाई हिजो शान्ति पुरस्कार दिएकाे थियो । उहाँले आफ्नो पुरस्कार ‘अन्तर्राष्ट्रिय अपराधका पीडितहरू’लाई समर्पण गर्दै विश्वका नेताहरूलाई अन्तर्राष्ट्रिय कानूनी संस्थाहरूको सम्मान गर्न आह्वान गर्नुभएको छ ।

नोबेल शान्ति पुरस्कारका लागि अमेरिकी राष्ट्रपति ट्रम्पले पनि इच्छा व्यक्त गर्दै आउनुभएको थियो ।