नुवाकोट र रसुवा जोड्ने वेत्रावतीमा बेलिब्रिज जडानको काम अन्तिम चरणमा

उज्यालो सहकर्मी

शनिबार, असोज २४, २०८३

नुवाकोट र रसुवा जोड्ने वेत्रावतीमा बेलिब्रिज जडानको काम अन्तिम चरणमा

तस्वीर : सामाजिक सञ्जाल

काठमाण्डौ – नुवाकोट र रसुवालाई जोड्ने बेत्रावतीको फलाखु खोलामा बेलिब्रिज जडानको काम अन्तिम चरणमा पुगेको छ ।

नेपाली सेनाको प्राविधिक टोलीले पुललाई वारपार अर्थात रसुवा र नुवाकोटतर्फ टेकाएको छ । अब त्यहाँ गाडी गुड्ने पाता बिछ्याउन बाँकी छ । यो काम सक्न बढीमा तीन दिन लाग्ने सेनाको प्राविधिक टोलीले जनाएको छ ।

दशैँको घटस्थापनाअघि नै बेलीब्रिज सञ्चालनमा ल्याउने तयारी छ । भदौ १० गतेको भोटेकोशी बाढीले वेत्रावतीको पुल बगाएपछि नुवाकोट र रसुवाबीचको सडक सम्पर्क टुटेको थियो । बेलिब्रिज सञ्चालनमा आएपछि दुवै जिल्लाका बासिन्दालाई आवतजावत गर्न सहज हुनेछ ।

प्रकाशित मिति: शनिबार, असोज २४, २०८३ ०८:४७