फिफा अध्यक्ष इन्फान्टिनोमाथि दबाब, कागजात सार्वजनिक गर्न माग

एजेन्सी

शुक्रबार, असोज ३०, २०८३

फिफा अध्यक्ष इन्फान्टिनोमाथि दबाब, कागजात सार्वजनिक गर्न माग

फाइल तस्वीर

फिफा अध्यक्ष जियानी इन्फान्टिनोले निजी लगानी कम्पनीलाई फिफाको व्यावसायिक अधिकार दिने प्रस्ताव फिर्ता लिँदै माफी मागेका छन् । तर, प्रस्तावसँग सम्बन्धित सबै कागजात सार्वजनिक गरी प्रश्नहरूको जवाफ नदिए उनको नेतृत्वमाथि प्रश्न उठ्ने फिफा उपाध्यक्ष डेबी हेविटले बताएकी छन् ।

फिफाको गोप्य ‘फिफा फर्वार्ड इन्टरप्राइज’ प्रस्तावबारे बसेको काउन्सिल बैठकमा पारदर्शिता र आर्थिक सहयोगलगायतका विषयमा प्रश्न उठेको थियो ।

युरोपेली फुटबलको सर्वोच्च निकाय यूईएफएले पनि इन्फान्टिनोमाथि दबाब बढाउँदै सम्बन्धित कागजात सार्वजनिक गराउन अमेरिकाका तीनवटा अदालतमा दाबी दर्ता गरेको छ ।

प्रकाशित मिति: शुक्रबार, असोज ३०, २०८३ १२:१६