आज राति कोशी र गण्डकीका पहाडी तथा हिमाली क्षेत्रमा बादल लाग्ने

काठमाण्डौ - आज राति कोशी र गण्डकी प्रदेशका पहाडी तथा हिमाली क्षेत्रमा आंशिक बदली रहने जल तथा मौसम पूर्वानुमान महाशाखाले जनाएको छ ।

देशका अन्य पहाडी तथा हिमाली क्षेत्रमा भने मौसम मुख्यतया सफा रहने अनुमान छ । तराईका केही ठाउँमा बिहानपख हुस्सु तथा कुहिरो लाग्न सक्ने महाशाखाले जनाएको छ । महाशाखाका अनुसार भोलि कोशी, गण्डकी र कर्णाली प्रदेशका हिमाली क्षेत्र साथै कोशी र गण्डकी प्रदेशका पहाडी एक/दुई ठाउँमा हल्का वर्षा तथा हिमपातको सम्भावना छ ।  

देशका अन्य पहाडी तथा हिमाली क्षेत्रमा आंशिक बदली रहनेछ भने तराईमा मौसम मुख्यतया सफा रहने अनुमान छ । यस्तै, पर्सि पनि कोशी र गण्डकी प्रदेशका पहाडी तथा हिमाली एक/दुई ठाउँमा हल्का वर्षा तथा हिमपातको सम्भावना छ । अन्य पहाडी तथा हिमाली क्षेत्रमा आंशिक बदली रहने र तराईमा मौसम मुख्यतया सफा रहने महाशाखाले जनाएको छ । 

महाशाखाले तराईमा बिहानपख हुस्सु तथा कुहिरो लाग्न सक्ने भएकाले सडक तथा हवाई यातायातमा यात्रा गर्नेहरूलाई आवश्यक सतर्कता अपनाउन आग्रह गरेको छ ।