भाइटीकाको दिन आज देशका धेरै ठाउँको मौसम सफा

उज्यालो सहकर्मी

बुधबार, कात्तिक २५, २०८३

काठमाण्डौ - भाइटीकाको दिन आज देशका धेरै ठाउँको मौसम सफा छ । मौसम पूर्वानुमान महाशाखाका अनुसार पश्चिमी वायुको आंशिक प्रभावका कारण हिमाली र पहाडी क्षेत्रमा आंशिक बादल लागेको छ ।

तराई, उपत्यका तथा खोँचमा बिहानपख थोरै ठाउँमा हुस्सु/कुहिरो लागेको छ । आज दिउँसो पनि हिमाली र पहाडी क्षेत्रमा आंशिक बादल लाग्नेछ । तराईसहित अन्य ठाउँको मौसम सफा नै रहनेछ ।

कोशी र बागमती प्रदेशको पहाडी एक/दुई ठाउँमा हल्का वर्षाको सम्भावना रहेको महाशाखाले जनाएको छ ।

प्रकाशित मिति: बुधबार, कात्तिक २५, २०८३ ०६:४१