भक्तपुरमा आगलागी
काठमाण्डौ - भक्तपुरको मध्यपुरथिमि नगरपालिका-५ राधेराधेमा रहेको प्रजापति कम्प्लेक्समा शनिबार बिहान भएको आगलागी निभाइएको छ ।
प्रहरी वृत्त थिमिकाअनुसार बिहान झण्डै ८ बजे कम्प्लेक्सको सातौँ तलामा रहेको स्पाबाट आगलागी शुरु भएको थियो । आगलागीको सूचना पाएलगत्तै पुगेको नेपाल प्रहरी, सशस्त्र प्रहरी, नेपाली सेना, दमकल र स्थानीयको संयुक्त प्रयासमा बिहान सवा ९ बजेतिर आगो निभाएको प्रहरीले जनाएको छ ।
आगलागी निभाउन लागि जुद्ध बारुण यन्त्र भक्तपुरको र काठमाण्डौ महानगरपालिकाको एक/एक वटा दमकल परिचालन गरिएको थियो । आगो निभाउन स्थानीय बासिन्दासहित नेपाली सेना, सशस्त्र प्रहरी र नेपाल प्रहरीको टोली खटिएका थिए ।
आगलागीबाट सातौँ तलामा रहेको ‘द ट्रयाङ्कुली टाइम्स स्पा एण्ड वेलनेश प्रालि’ मा विद्युत् सर्ट भई आगलागी भएको स्पाका सञ्चालक नरेश रन्जितले जानकारी दिनुभयो । आगलागीबाट झण्डै ८० लाख बराबरको क्षति भएको अनुमान गरिएको जिल्ला प्रहरी परिसर भक्तपुरका प्रमुख एवं प्रहरी उपरीक्षक सूर्यबहादुर खड्काले जानकारी दिनुभयो ।
मधेशका मुख्यमन्त्री यादवले आज विश्वासको मत लिने
शनिबार, कात्तिक २८, २०८३
मिथिलाञ्चलमा सामाचकेवा पर्व शुरु
शनिबार, कात्तिक २८, २०८३
गोरखाको धार्चेमा सुक्खा पहिरो
शनिबार, कात्तिक २८, २०८३
आज विश्व मधुमेह दिवस : ३५ वर्ष उमेर पुगेपछि नियमित परीक्षण गर्न डाक्टरको सल्लाह
शनिबार, कात्तिक २८, २०८३
कात्तिक नाचमा ७८ वर्षपछि आजदेखि माध वानर नाच देखाइँदै
शनिबार, कात्तिक २८, २०८३