नेभिगेशन
बिहीबार, कात्तिक २६, २०८३

मकवानपुरको भीमफेदीमा माइक्रोबस दुर्घटना : १० जनाको ज्यान गयो, ५ जना घाइते

काठमाण्डौ- मकवानपुरको भीमफेदी गाउँपालिका–६ चिसापानी गढीमा आज बिहान माइक्रोबस दुर्घटना हुँदा १० जनाको ज्यान गएको छ । ज्यान गुमाउनेको पहिचान खुल्न बाँकी छ । पाँच जना घाइते भएका सशस्त्र प्रहरी बलले जनाएको छ । काठमाण्डौबाट सर्लाहीका लागि छुटेको माइक्रोबस दुर्घटना भएको हो ।

माइक्रोबसमा रहेका १५ जनामध्ये १० जनाको ज्यान गएको र पाँच जना घाइते भएको प्रारम्भिक विवरण छ । दुर्घटनामा घाइते भएकाहरूको नेपाल प्रहरी, नेपाली सेना र सशस्त्र प्रहरीको टोलीले उद्धार गरेका छन् । 

मधेश प्रदेश ०३–००१ ज ०८–८८० नम्बरको माइक्रोबस बिहान ६ बजेतिर दुर्घटना भएको हो ।

प्रकाशित मिति:
थप समाज