नेभिगेशन
सोमबार, कात्तिक ३०, २०८३

कोप–३१ को नेपाल पेभिलियनमा शून्य फोहोर सम्बन्धी विशेष संवाद

काठमाण्डौ – टर्कीएको अन्ताल्यामा चलिरहेको जलवायु सम्मेलन ‘कोप–३१’ अन्तर्गत नेपालको राष्ट्रिय पेभिलियनमा ‘शून्य फोहोर’ सम्बन्धी विशेष संवाद कार्यक्रम सम्पन्न भएको छ ।

नेपाली संस्था क्रिएसन नेपालको आयोजनामा भएको कार्यक्रममा जलवायु परिवर्तन न्यूनीकरण र दिगो फोहोर व्यवस्थापनमा शून्य फोहोरको भूमिकाबारे छलफल भएको हो ।

रोशना सुवेदीले सहजीकरण गर्नुभएको संवादमा दिगो फोहोर व्यवस्थापनका लागि सबै पक्षको समावेशी र एकीकृत सहभागिता आवश्यक रहेको बताइएको छ ।

छलफलमा दक्षिण एसिया सहकारी वातावरण कार्यक्रम (साकेप) का महानिर्देशक नोर्बु वाङ्चुकले दक्षिण एसियाली दृष्टिकोण प्रस्तुत गर्दै चक्रीय अर्थतन्त्रका लागि क्षेत्रीय सहकार्यमा जोड दिनुभयो । कार्यक्रममा सहभागीहरुले फोहोर सङ्कलक श्रमिकको पहिचान, स्रोतको पुनःप्राप्ति र व्यावहारिक समाधानबारे धारणा राखेका थिए।

फोहोर व्यवस्थापनलाई सरसफाइमा मात्र सीमित नराखी जलवायु अनुकूलन र दिगो विकाससँग जोड्नुपर्ने निष्कर्ष निकाल्दै क्रिएसन नेपालले यस अभियानमा सरकार, निजी क्षेत्र र आम नागरिकको साझा प्रयास अपरिहार्य रहेको सन्देश दिएको छ । 
 

प्रकाशित मिति:
थप विशेष