नेभिगेशन
बुधबार, मंसिर २, २०८३

अस्ट्रेलियालाई ९७ रनले हराउँदै इङ्ग्ल्यान्डले जित्याे एकदिवसीय शृङ्खला

काठमाण्डाै – घरेलु टोली अस्ट्रेलियालाई हराउँदै इङ्ग्ल्यान्डले तीन खेलको एकदिवसीय अन्तर्राष्ट्रिय क्रिकेट शृङ्खला २–१ ले जितेको छ ।

आज भएको निर्णायक खेलमा इङ्ग्ल्यान्डले अस्ट्रेलियालाई ९७ रनले हरायो । इङ्ग्ल्यान्डले दिएको ३२९ रनको लक्ष्य पछ्याएको अस्ट्रेलियाले ४६ ओभर ५ बलमा २३१ रन बनाउँदा सबै विकेट गुमायो । अस्ट्रेलियाका म्याट रेनशाले सबैभन्दा धेरै ५५ रन बनाए । इङ्ग्ल्यान्डका सोनी बेकरले ४, लायम डसनले ३ विकेट लिए ।

यसअघि होबार्टमा टस जितेर ब्याटिङ गरेको इङ्ग्ल्यान्डले ४८ ओभर ३ बलमा सबै विकेट गुमाएर ३२८ रन बनाएको थियो । इङ्ग्ल्यान्डका बेन डकेटले १३३, विल ज्याक्सले ५९ रन बनाए । अस्ट्रेलियाका ज्याक एडवार्ड्सले ४, म्याट रेनशले ३ विकेट लिए ।

एकदिवसीय शृङ्खलाको पहिलो खेल अस्ट्रेलियाले ७ विकेट र दोस्रो खेल इङ्ग्ल्यान्डले १३५ रनले जितेको थियो ।

प्रकाशित मिति:
थप खेलकुद