धनुषा - जनकपुर अञ्चल अस्पतालमै पहिलो पटक मेरुदण्डको सफल शल्यक्रिया गरिएको छ ।

हाडजाेर्नी डाक्टर रञ्जित झाको नेतृत्वको टोलीले महोत्तरीको लोहरपट्टी नगरपालिका ५ बस्ने ३० वर्षीया शैलोदेवी राउतको मेरुदण्डको सफल शल्यक्रिया गरेको हो ।

घरको दोश्रो तल्लाबाट खस्दा मेरुदण्ड भाँचिएर हिँड्न नसक्ने भएकी शैलोदेवी गएकाे माघ २७ गते उपचारको लागि जनकपुर अञ्चल अस्पतालमा भर्ना भएपछि उहाँकै पहिलो पटक शल्यक्रिया गरेको डा.झाले बताउनुभयो । अब अञ्चल अस्पतालमै मेरुदण्डको शल्यक्रिया हुने मेडिकल सुपरिन्टेन्डेन्ट डा.नागेन्द्र यादवले बताउनुभयो ।  

शल्यक्रियापछि अहिले शैलोदेवीको स्वास्थय अवस्था समान्य भएको छ । समान्य हिँडडुल समेत गर्न थालेको उहाँले बताउनुभयो । शल्यक्रिया चिकित्सक टोलीमा अर्थोपेडिक डा.रामविनय चौधरी, डा.मनोज गुप्ता र एनेस्थेसिया डा. रुपेश गामी, डा.सन्दीप शर्मा डा. संजय यादव लगायत सहभागी हुनुभएको थियो ।

चित्सिकका अनुसार निजी हस्पिटलमा मेरुदण्डको शल्यक्रिया गराउँदा कम्तिमा ३ लाख रुपैयाँ खर्च हुन्छ । तर अब जनकपुर अञ्चल अस्पतालमै यो सेवा निःशुल्क पाइने  मेडिकल सुपरिन्टेन्डेन्टडा.नागेन्द्र यादवले बताउनुभयो ।