काठमाण्डौ - प्रमुख प्रतिपक्षी दल नेपाली कांग्रेसले आरडीटी परीक्षणमा मात्रै भर पर्न नसकिने बताएको छ ।

आरडीटी परीक्षणमाथि विश्वव्यापी प्रश्न उठिरहेका बेला यसको भर पर्न नसकिने भएकाले पीसीआर परीक्षणको दायरा बढाउनुपर्ने कांग्रेसले बताएको हो । 

आइतबार पार्टी कार्यालय सानेपामा पार्टीका पूर्व स्वास्थ्यमन्त्री र चिकित्सकहरुसँगको छलफलपछि कांग्रेसले समुदायस्तरसम्म परीक्षणको दायरा बढाउनुपर्ने निष्कर्ष निकाल्दै यस्तो बताएको हो । 

छलफलपछि पार्टी प्रवक्ता विश्वप्रकाश शर्माले लकडाउनको समुचित उपयोग गर्न सरकार चुकेकाले आरडीटी परीक्षणको दायरा बढाउनुपर्ने निष्कर्ष छलफलले निकालेको बताउनुभयो । 

चिकित्सकहरुका लागि आवश्यक अति आवश्यक स्वास्थ्य सामग्रीहरु प्रयाप्त उपलब्ध गराउनुपर्ने, चिकित्सकहरुलाई हतोत्साहित गर्नुको सट्टा साथ दिनुपर्ने प्रवक्ता शर्माले बताउनुभयो । कोरोनाले मात्रै बिरामीको मृत्य नहुने भएकाले अन्य रोगका बिरामीको स्वास्थ्य उपचारतर्फ पनि ध्यान दिनुपर्ने उहाँले बताउनुभयो ।

छलफलमा सहभागी चिकित्सक डा. केदार नरसिंह केसीले कोरोना नियन्त्रणमा सरकार पूर्ण रुपमा असफल भएको बताउनुभयो ।कोरोनाको जोखिम सामना गर्ने क्रममा भएका प्रगति, कमजोरी, सरकारले गरेका काम र गर्न नसकेका कामका विषयमा छलफल गर्न पार्टी पदाधिकारी, पूर्व स्वास्थ्यमन्त्री र स्वास्थ्य क्षेत्रका विज्ञहरुसँग छलफल गरिएको हो ।

यो पनि पढ्नुहोस्

अप्रिल २६ : खाडी र मलेसियामा कोरोना सङ्क्रमणकाे पछिल्लाे अवस्था