काठमाण्डौ – बहराइनमा रहेको नेपाली दूतावासले पहिलो प्राथमिकतामा परेर नेपाल फर्किनेहरुको सूची सार्वजनिक गरेको छ । असार ७ गतेको पहिलो उडानमा २५६ जना नेपाली स्वदेश फर्किने दूतावासले जनाएको छ ।

बहराइनको मनामाबाट काठमाण्डौको लागि असार ३ गते भनिएको उडान सरेर असार ७ गते अर्थात जुन २१ तारिखमा हुने भएको हो ।

प्राथमिकतामा नाम परेकाहरुलाई नेपाल एअरलाइन्सले तोकेको नेपालस्थित प्रतिनिधि रमेश पाण्डेलाई मोबाइल नम्बर ‌‍‍‌ +९७७९८४९६३३८७९ (भाइबरमा पनि उपलब्ध) अथवा उहाँको इमेल [email protected] मा सम्पर्क गरी टिकट खरिद गर्न दूतावासको अनुरोध छ ।

यात्रुहरुले नेपालमा रहेका परिवारमार्फत पनि माथि उल्लेखित ठेगानामा सम्पर्क गरेर टिकट काट्न सकिने दूतावासले जनाएको छ ।

बहराइनदेखि नेपालसम्मको चार्टड उडानको टिकटदर अमेरिकी डलर ३९२ अर्थात बहराइनी दिनार १४८ तोकिएको छ । 

नेपाल सरकारले हवाइ यात्रा गर्नको लागि कोभिड १९ परीक्षण अनिवार्य गरेकाले कोभिड १९ परीक्षण गरेर मात्र टिकट काट्न दूतावासको आग्रह छ ।

सूचीमा काे काे परे, हेर्न यहाँ क्लिक गर्नुहाेस्

याे पनि पढ्नुहाेस्

खाडीका ६ देश र मलेसियामा कोरोना सङ्क्रमणकाे साेमबारकाे अपडेट

---