बाँके - बाँकेको नेपालगञ्ज उपमहानगरपालिकाको गठबन्धनका तर्फबाट मेयरमा नेपाली कांग्रेसका प्रशान्त विष्ट विजयी हुनुभएको छ । विष्ट २३ हजार ४ सय ६० मतसहित विजयी हुनुभएको हाे।

नेकपा एमालेका पशुपति दयाल मिश्राले ११ हजार ६ सय ७५ मत प्राप्त गर्नुभएको छ । विष्ट ११ हजार ७ सय ८५ मतान्तरले विजयी हुनुभएको हो ।

राप्रपाका नन्दलाल वैश्यले ७ हजार ५ सय ९८ मत प्राप्त गर्नुभएको छ ।

उपमेयरमा जनता समाजवादी पार्टी (जसपा) का कमरुद्दिन राई  १७ हजार ९ सय ५० मतसहित विजयी हुनुभएको छ । एमालेकी शान्ति ढकालले  १० हजार ९ सय १५ मत र राप्रपाकी विन्दु चर्तिमगरले १० हजार १३५ पाउनुभएको छ।

नेपालगञ्जका २३ वडामध्ये जसपाले ५, १३, १४, १५, २०, २२ गरी ६ वडा, कांग्रेसले १२, १७, १९, २१, २३ गरी ५ वडा, एमालेले  १, ६, ७, ९, १८ गरी ५ वडा, माओवादीले ३, ४,११,१६ गरी ४ वडा र राप्रपाले २, ८, १० गरी ३ वडा जितेको छ ।