माेटरसाइकल दुर्घटनामा घाइते भएका बर्दियाको चुरे माविका पूर्वशिक्षक थारुको ज्यान गयो

बर्दिया – मोटरसाइकल दुर्घटनामा घाइते भएका बर्दियाको ठाकुरबाबा नगरपालिका–५ बनकट्टी गाउँका मक्कुराम थारुको उपचारका क्रममा ज्यान गएको छ ।

चुरे माध्यमिक विद्यालय बगनाहाका पूर्वशिक्षक एवम् चुरे क्याम्पसका पूर्वलेखापाल ६३ वर्षीय थारुको उपचारका क्रममा नेपालगञ्जमा ज्यान गएको हो ।

बर्दियाको भुरीगाउँ–गुलरिया हुलाकी सडक खण्डअन्तर्गत ठाकुरबाबा नगरपालिका–३ बगनाहा बजार नजिक गएको फागुन १६ गते मोटरसाइकल दुर्घटना हुँदा ५८ वर्षीय दरबारिया थारुको घटनास्थलमै ज्यान गएको थियो भने मक्कुराम थारु घाइते हुनुभएको थियो ।

मक्कुराम थारु २०७४ को पालिका चुनावमा ठाकुरबाबा नगरपालिकाको मेयर पदका उम्मेदवार हुनुहुन्थ्यो तर उहाँ पराजित हुनुभएको थियो ।