जयनगर–जनकपुर–भङ्गाहा रेल सेवा स्थगित

उज्यालो सहकर्मी

शुक्रबार, साउन १५, २०८३

फाइल तस्वीर

काठमाण्डौ — नेपाल रेल्वे कम्पनी लिमिटेडले जयनगर–जनकपुर–भङ्गाहा रेल खण्डअन्तर्गत सञ्चालन हुँदै आएको रेल सेवा अस्थायी रूपमा स्थगित गरेको छ ।

जिल्ला प्रशासन कार्यालय धनुषाबाट कर्फ्यु आदेश जारी भएकाले यात्रुहरूको सुरक्षालाई मध्यनजर गर्दै रेल सेवा अर्को सूचना जारी नभएसम्मका लागि स्थगित गरिएको कम्पनीको केन्द्रीय कार्यालय जनकपुरधाम धनुषाले जनाएको छ ।

सूचनामा प्रमुख जिल्ला अधिकारीबाट जारी कफ्र्यु आदेशका आधारमा यो निर्णय गरिएको उल्लेख छ। नेपाल रेल्वे कम्पनीले जयनगर–जनकपुर–भङ्गाहा रेल खण्डमा हाल सञ्चालन हुँदै आएको सेवा कर्फ्यु कायम रहेसम्म सञ्चालन गर्न नसकिने सूचनामा उल्लेख छ ।

प्रकाशित मिति: शुक्रबार, साउन १५, २०८३ ११:३९