एशियाली खेलकुद : महिला भलिबलमा नेपालकाे पहिलाे जीत

उज्यालो सहकर्मी

आइतबार, असोज ४, २०८३

एशियाली खेलकुद : महिला भलिबलमा नेपालकाे पहिलाे जीत

फाइल तस्वीर

काठमाण्डाै – जापानमा चलिरहेको २०औँ संस्करणको एशियाली खेलकुदअन्तर्गत महिला भलिबलमा नेपालले किर्गिस्तानलाई ३–० को सोझो सेटमा हराएको छ ।

आज भएको वर्गीकरण चरणको खेलमा नेपालले पहिलो सेट २५–२०, दोस्रो सेट २५–१६ र तेस्रो सेट २५–२० ले जित्यो । अब नेपालले नवौँदेखि १२औँ स्थानका लागि हङकङसँग खेल्नेछ ।

नेपाल पदक जित्ने होडबाट बाहिरिइसकेको छ । नेपाल समूह चरणमा जापान र इन्डोनेशियासँग सोझो सेटमा पराजित भएको थियो ।

एशियाली खेलकुदमा नेपाली महिला भलिबल टोलीको यो दोस्रो सहभागिता हो । गएको संस्करणमा नेपाल पहिलो पटक सहभागी भएको थियो ।

प्रकाशित मिति: आइतबार, असोज ४, २०८३ १७:०३